Pinay teenager na na-bash dahil sa pagtawag sa Charles & Keith na isang luxury brand, isa ng ''Brand Ambassador'' nito

Natatandaan nyo ba si Zoe Gabriel?, isang Singapore-based Filipina teenager na nakatanggap ng sandamakmak na panglalait online dahil sa kanyang excitement para sa isang Charles & Keith bag. Isa na siya ngayong brand ambassador nito.

Sa Instagram post, ibinahagi ng 17-year-old ang isang larawan ng kanyang sarili bilang bahagi ng Charles & Keith's International Women's Day campaign na nagtatampok ng purple iteration ng Alia bag.

""This International Women's Day, let us celebrate with compassion," ," isinulat ni Zoe sa caption.

Noong Enero, nag-viral si Zoe dahil sa kanyang classy na tugon sa mga haters na nanunuya sa kanya sa TikTok para sa pagtawag kay Charles & Keith na isang luxury brand.

Ang isyu ay nagdulot ng mainit na pagtatalo sa mga netizens, kung saan ang ilan ay nagsasabi na ang luho ay subjective at nagkakaiba sa pagitan ng mga tao.

Ilang araw matapos mag-viral si Zoe, inimbitahan siyang bumisita sa Charles & Keith headquarters sa Singapore at nakatanggap ng dalawang rendition ng iconic na Gabine bag ng brand na personalized para sa kanya.